STELLENBOSCH. – Die seun van een van Suid-Afrika se voorste
kunstenaars is Sondagaand in sy huis in Bezuidenhoutsvallei,
suidoos van Johannesburg, met ’n byl doodgekap.
Wyle David Botha, wat in die Paarl gewoon het, se seun en naamgenoot,
mnr. David Botha jr. (58), is Maandag reeds deur sy werkgewer gesoek
, maar sy liggaam is eers Woensdag ontdek.
’n Buurvrou van Botha, me. Sonja Schiessling, het gesê hy het voorheen
dreigbriewe ontvang en sy motor is verlede jaar voor haar woonstel
aan die brand gesteek.
“Woensdag het ek en twee vriende hom gaan soek by sy huis, want
ons het bekommerd geraak omdat ons niks van hom hoor nie. Ons
het hom daar gekry. Alles was vol bloed en daar was ’n byl.”
Me. Jane Botha (82), David jr. se ma, het gister uit die Paarl gesê sy het
20 jaar ouer geword sedert die familie die skoknuus gekry het.
“Ag, hy was só talentvol, maar hy het in die skaduwee van sy pa gelewe.
Hy was baie kreatief, geweldig veelsydig, maar hy het nooit soveel
erkenning gekry nie. Sy passie was om veteraankarre te restoureer
– hy was gaga oor hulle!”
Botha se dogter, me. Stephanie Botha (21), is tans in Chili.
Amanda Roestoff berig uit Johannesburg brig. Danie Louw,
polisiewoordvoerder, het gesê die polisie se taak om Botha se
liggaam op te spoor, is bemoeilik deur die groot hoeveelheid
skrootyster in die huis. Sy liggaam is in ’n gang onder ’n hoop
ysters gevind.
“Ons het ’n byl gekry, wat ons vermoed die moordwapen is.”)Botha sr
. (1921-1995) word gereken as een van die ou meesters van die
Suid-Afrikaanse skilderkuns. Sy naam word in dieselfde asem genoem
as dié van Hugo Naude, Terence McCaw en Nita Spilhaus.
