KVB SEKURITEITS STATUS

KVB SEKURITEITS STATUS

BOERLAND OR WASTELAND

BOERLAND OR WASTELAND

KVB NOTIFICATION

Total Pageviews

Follow by Email

Tuesday, 31 January 2012

BO BLINK...

Die onluste in Thumahole, Parys, het die fokus geplaas op die
 treurige toestand van Vrystaatse munisipaliteite. ‘n Groot 
deel van die probleem is dat die munisipaliteite saam meer
 as R4 miljard aan dienstegelde geskuld word. 
Staatsdepartemente se aandeel hieraan is R300 miljoen.
Die LUR vir plaaslike regering pak die skuld op swak bestuur 
en ‘n tekort aan finansiële en beheermaatreëls.
Die probleme is egter omvattender. Thumahole is die
 tuisdorp van die premier, Ace Magashule, en ook
 sy magsbasis. Nepotisme en kaderontlooiing in die plaaslike
 munisipaliteit, Ngwathe, is het ‘n duur prys  en sleep ook 
omliggende dorpe in wat onder dieselfde munisipaliteit gebuk 
gaan, soos Heilbron.
Uit verslae soos dié van Municipal IQ en die Ouditeur-generaal
 blyk dit egter dat die Vrystaat nie werklik al swart skaap is 
nie. Veral in die Oos-Kaap is munisipaliteite wat die sukkelende 
Vrystaatse munisipaliteite lag-lag na die kroon steek. Selfs 
Johannesburg se jongste OG-verslag is maar bedroewend.
Die LUR kan egter nie bloot die fout volledig op plaaslike
 regering afskuif nie. Die kantoor van die Vrystaatse Premier 
swyg nog soos die graf oor wat van R1 miljard geword het
 wat by die provinsiale regering self soek geraak het, en
 waaroor die Ouditeur-generaal onlangs verslag gelewer het.
Maar die nasionale regering self vaar nie veel beter nie, en stel 
oor die algemeen nie ‘n goeie voorbeeld nie.
Heelwat staatsgeld is gebruik om sekere projekte wat met 
die ANC se eeufeesvieringe verband hou te finansier. Onlangs
 is berig dat drie vliegtuie ingespan is om te verseker dat pres.
 Jacob Zuma betyds by ‘n vergadering van die VN opdaag.
Werkloosheid en die onbekostigbaarheid van selfs die mees
 basiese dienste is ‘n groot deel van die probleem. Jaarliks 
skryf munisipaliteite groot bedrae af as oninvorderbare slegte
 skuld. Hoe nader die land aan ‘n verkiesing staan, hoe
 indrukwekkender is die afskryfaksies.
Die ANC pas in beginsel nou ‘n aangepaste kaderbeleid toe, 
deurdat kamma vereis word dat die kaders darem ook bekwaam 
genoeg vir die werk behoort te wees. Die probleem met 
belangebestuur is dat die grense daarvan getoets word. 
Afriforum het pas toegetree tot ‘n swendelaksie by 
Wallmanstall wat in ‘n onwettige grondgrypaksie ontaard het. 
Ander instansies het reeds tevore probeer ingryp. Die polisie
 het egter versuim om interdikte toe te pas. Eers toe Afriforum in
 die hart van die bedrogspul ingryp en bankrekenings deur
 ‘n hofbevel laat vries het die kwessie die nodige media-aandag
 getrek.
Die bestuur van die land reageer asof korrupsie endemies is,
waarvan ‘n tipiese simptoom is dat werksgeleenthede soos mis
 voor die son verdwyn. Veral permanente werksgeleenthede
 kom onder druk, omdat werkgewers in die privaat
 sektor aan omkoop-mededingers uitgelewer is. Die openbare
 sektor sukkel kort voor lank ook om sy personeeluitgawes te 
finansier. Benewens geld wat wegraak of nie ingevorder word 
nie, is die inkomstegaping in munisipaliteite so groot 
dat jaarlikse stakingseisoene gewaarborg is. Die soustreinryers
 slurp net buitensporig baie op.