Pretoria is net ‘n wit woonbuurt van Tshwane. Swartes het meer reg
op grond in Suid-Afrika as blankes. Engels is die enigste taal wat
deur al die kulture in die land gebruik kan word. Swart jeugdiges
steel en roof en moor en verkrag as gevolg van apartheid. Wit
mense is ryk en kan vir hulle kinders geleenthede koop.
Dit is hoe die wêreld lyk deur die oë van die ANC. Dit is ook die
prentjie wat die ANC aanbied vir sy volgelinge en die wêreld daar buite.
Die hartseer deel is dat baie mense wat veronderstel is om deur
die politieke propaganda te sien, dit as die waarheid begin
aanvaar. As iemand van jou geboorte af vir jou vertel dat die lug
pienk is, sal dit nooit vir jou blou wees nie.
In Suid-Afrika het ons te doen met wêrelde waarvan die
verwysingsraamwerke so verskil dat sin en rede later geen invloed
meer het nie.
Mnr Paul Mashatile, Minister van Kuns en Kultuur, het aan ‘n
dagblad gesê, Pretoria is ’n woonbuurt van Tshwane net soos
Sandton ’n woonbuurt van Johannesburg is.
Volgens hom is daar
nie meer ’n stad genaamd Pretoria nie. Interessant genoeg,
ondanks dié skynbaar oortuigde standpunt, wil die regering tog
darem eers die saak uitklaar deur openbare gesprekvoering –
soos die wet vereis.
Dit lyk dus of die sake voor die Gesagsowerheid vir
Reklamestandaarde van Suid-Afrika (GRS) en die
Uitsaaiklagtekommissie en die hooggeregshof, en al die
petisies en demonstrasies darem gehelp het om die ANC
‘n bietjie versigtig te maak oor die verandering van die naam van
die land se hoofstad.
Vir ‘n paar jaar was dit eintlik stil op die front. Moontlik is baie mense
in hierdie tyd gesus om te glo dat die ANC maar sal bes gee en
dat die liewe Jakarandastad sy naam gaan behou.
Nog nooit gesien nie. Solank as wat Pretoria sy naam behou, sal
die ANC se finale oorwinning nie afgehandel wees nie. Pretoria
is op die ou end die sterkste simboliese aanduiding van die rol
wat wit Afrikaanssprekendes nog in die land te speel het.
Vat Pretoria weg en jy begrawe ‘n volk.
So wat gaan ons daaraan doen? Gaan ons na nog ‘n tribunaal of
nog ‘n hof? Gaan ons nog petisielyste voltooi en openbare vertoë
rig? Gaan ons nog ‘n optog hou?
En as dit alles nie werk nie, gaan ons ons sake-onderneming se
naam verander na Tshwane Videos, Tshwane Steel Works of
Tshwane Laundry? Net ter wille van vrede… en natuurlik besigheid.
Al die hofsake in die wêreld, al die protesaksies, al die
Al die hofsake in die wêreld, al die protesaksies, al die
beredeneerde briewe in koerante en al die nuuskommentare
op die radio, help niks, as ons aanvaar dat ons in Tshwane bly nie.
Wil jy jou herkoms verloën ter wile van een of ander denkbeeldige
leier van ‘n groepie mense wat deur die omgewing beweeg het,
of gaan jy vir jou kinders sê: “Ons bly in Pretoria”!?
