KVB SEKURITEITS STATUS

KVB SEKURITEITS STATUS

BOERLAND OR WASTELAND

BOERLAND OR WASTELAND

KVB NOTIFICATION

Total Pageviews

Follow by Email

Thursday, 28 July 2011

SIES! `DIT LYK AAKLIG IN MY VOORTUIN.

EVANDER - Dit is glad nie n mooi prentjie nie.
Menslike afval het n pappery gevorm en dit dryf letterlik en figuurlik tussen die plante deur.
"Dit lyk aaklig in my voortuin en dit is septies en stink,"het me. Wilma van Schalwyk vertel. Sy het nou genoeg gehad van rioolpype wat blok en dan die afval in haar voortuin opstoot.
"Ons het die pype verlede jaar aan die kant van die huis vervang omdat boomwortels in die lasplekke op die pype ingegroei het so die pype geblok het.

"Die loodgieter het ons die waarborg gegee dat dit nie weer sou gebeur nie.
"Skaars twee maande later, en die pype is weer geblok en stoot die riool die keer in ons voortuin op,"het sy verduidelik.
Volgens haar moet sy nou elke twee maande die loodgieter laat kom om die geblokte pype oop te maak en dit kos haar elke keer R280.

"Elke keer verwyder hy n hele klomp boomwortels.
"Ons buurman het n ou wilgerboom in sy voortuin en die boom se wortels, asook die ou bome se wortels in ons voortuin wat op munisipale grond is, is die oorsaak van al die probleme.
"My buurman weier egter om die boom uit te haal, al is dit besig om die muur om te stoot.

"Hier was al iemand van die Parkeraad en volgens hom mag die ou bome wat op die munisipale grond staan, nie verwyder word nie.
"Die ou bome moet behoue bly.
"Die loodgieter mag ook nie die pype wat op die munisipale grond verstop is, vervang nie.
"Voor hy dit mag doen, moet hy eers toestemming van die munisipaliteit kry en moet n fooi aan die munisipaliteit betaal word.

"Hoe werk dit?

"Ek betaal dan elke maand vir munisipale dienste en nou moet ek nog die munisipaliteit betaal sodat n privaal loodgieter hulle werk vir hulle kom doen,"het me. Van Schalkwyk gekla.

Sy meen hulle gaan dit nie kan volhou om elke tweede maand R280 aan die loodgieter te betaal nie.
"Ek voel verontwaardig en is baie kwaad."

Die Ridge Times het mnr. Themba Motlhankana, waarnemende bemarkings- en kommunikasie bestuurder van die Govan Mbeki Munisipaliteit, om kommentaar genader oor die Van Schalkwyks se situasie in hul voortuin en wat die munisipaliteit daaromtrent gaan doen.

"Die munisipaliteit is bewwus van al die geblokte rioolpype wat binne ons regsgebied bestaan,"het mnr. Motlhankana gese.
"Die munisipaliteit se Water- en Rioolafdeling het onlangs n "Rescue Rod"- eenheid op die been gebring om na die groot blokkasies om te sien.
"Die diensverskaffer is werksaam op eMbalenhle, eMzinoni, Bethal, Evander en Secunda en werk volgens die kontrakteur se skedule.