GEDENKGEBOU WORD VAN SY GESKIEDENIS BEROOF.

BETHAL - Die ou Bethal Kommando-gebou wat deel vorm van Bethal se geskiedenis, le aan skerwe.
Met n gewapende mag het dr. Jameson op Oujaarsdag 1895 die ou Transvaal binnegeval, maar is die volgende dag tot oorgawe gedwing.
So is die aanslag op die Republiekeinse onafhanklikheid afgeweer, omdat Jameson met n groep uitlanders in Johannesburg saamgesweer het om die regering van pres. Paul Kruger omver te werp.
Komdt. Piet Erasmus het vertel dat hy as jongman op Oujaarsaand 1895 n dans op die plaas Mooimeisiesfontein bygewoon het.
Die kommandeerman het onverwags opgedaag en die name van die burgers afgelees wat die volgende oggend op Trichardtsfontein moes aanmeld.
Vandaar is die Bethallers uit die kommando na Johannesburg om die dreigende opstand in bedwang te hou.
Die herinneringe is soms die enigste manier waarop n mens kan staatmaak om die prent te versinnebeeld.
Met tyd vergaan alles om ons, so ook in die geval van n verwaarlose gebou wat eens Bethal kommando was.
Volgens n voormalige kommandolid, is dit hartseer om n deel van hul geskiedenis, verwaarloos en verniel te sien.
"Die gebou dra nie net die geskiedenis van die kommando nie, maar n sentimentele waaarde wat net diegene wat n bydra tot die kommando gelewer het, kan verstaan." het hy gese.
Mnr. Martin Nienaber wat by Departement van Korrektiewe Dienste werk, het gese: "Die gebou staan al vir n geruime tyd leeg, die kommando se kantoor is later omskep in n meenthuis wat slegs aan kommandolede uitverhuur is."
Die gebou behoort nou aan die Departement Openbare Weerke (DOB) wat vermoedelik die gebou sou herstel het.
Einde ten laaste is die gebou herstel en tot die skok van die DOB het hulle die verkeerde huis gerestoureer."
Wat van die ou kommando - gebou oorgebly het, is bloot vloere wat met stof bedek is, gebreekte deure, stukkende buisligte, n daklose kroeg, lee kabelomhulsels, onvolledige badkamerstrukture wat of gesteel of stukkend is en n Bethal Kommando - embleem wat steeds trots hang in wat eers die plek was waar legendes gebore is.